" دفء "
ايوة فاكر .. فاكر لما كنت بتقوليلى ان حضنك ادفى من نقطة مطر تنزل على جسمى تحسسنى بالامان ..
فاكر لما كانت همسة منك فى ودانى ادفئ من نور الشمس فى لحظة عصارى و احنا قاعدين سوا قدام لسان جليم .. فى اسكندرية
حتى لو رجعت كام سنة فاتوا المنظر مش هيختلف .. لان المشاعر هى هى متغيرتش ..
لو هحاول مرة انى اكون قاسى عليك و مفتكرش اد ايه كنت كل شئ بالنسبة الى .. هتكون قسوتى انك محفظتيش عليا ..
سبتينى اتسرسب من بين ايديكى .. زى ما شعر بنتك بيتسرسب منك و انتى بتحولى تعملى ليها ضفيرة ..
اقولك انا هفتكر ليكى كل كويس معايا .. مش عشان انا نسيت القسوة .. بس لان القسوة جوايا مش لاقى ليها مكان
حولت صراحة معرفتش .. كنت كل اللى افتكره اد ايه كان حبك ليا زى حبك لبنتك ..
فكل اللى بيجى فى بالى و مش قادر انساه هو مشهد ليك و ليا و لبنتك فى صورة مش منسية
9 يوليو 2013
12:38 ظهرا
ليست هناك تعليقات:
إرسال تعليق